Priskribo
Kie vojoj renkontiĝas
La kvara eldono de la konkurso, per sia temo “Artefaritaj intelektoj, pensantaj maŝinoj kaj Homo sapiens” inspiris verkistojn el la tuta mondo. Ĉiuj esperoj kaj timoj de la homaro pri la estonto, estas bele prezentitaj en la novelaro Kie vojoj renkontiĝas. Aŭtoroj el diversaj landoj esploras la limojn de artefarita intelekto, kion ĝi povas proponi por helpi la homan socion, kaj kie estas la danĝeroj de troa dependeco al novaj teknologioj. Ĉu AI portos nin al brila nova erao aŭ formortigos nin ĉiujn? Mergiĝu en la 27 finalistajn novelojn de la kvara Interkultura Novelo-Konkurso, dum ankoraŭ eblas.
La novelaro prezentas la rezulton de la konkurso: 27 finalistajn novelojn elektitajn inter 805 konkursaĵoj. Ĉiuj rakontoj estas prezentataj en Esperanto, kaj ankaŭ en la originala lingvo kiam ili estis verkitaj per alia lingvo (itala, franca, persa, rusa kaj ukraina).
Aŭtoroj de unuopaj noveloj: Elisabetta Antichi (IT), Federico Bastianelli (IT), Ingrid Budau (RO), Marius Claude (HT), Javad Eskandari Mayvan (IR), Arsham Fallah (IR), Diana Fedorovici (MD), Tetyana Filosof (UA), Olga Glapshun (ES), Stefan Grotz (DE), Olena Klymovskykh (UA), Tamara Anna Koziej (CA), Yevheniia Makarchuk (UA), Ruslan Malakhov (KZ), Rita Manzara (IT), Vladimir Marishev (RU), Svitlana Molchan (UA), Jorge Rafael Nogueras (PR), Mahin Rad (IR), Mikhail Reztsov (RU), Nataliia Sanzharova (UA), Tatiana Selezneva (UA), Ljudmila Shebella (EE), Zakhar Serebrov (RU), Tatjana Tereĥova (RU), Urseto (RU), Yin Jiaxin (CN).