Ĉu vi ne povas vivi sen literaturo?
Vi estas en la plej bona angulo de la reto por verki, legi kune en Esperanto!
Jordi Solé i Camardons invitas vin verki por INK-3!
Dum la Universala Kongreso en Torino, estis finfine anoncitaj la gajnintoj de la dua eldono de la Interkultura Novelo-Konkurso!
La gajnintoj de la komencanta kategorio estas:
- Tatiana Tereĥova (Rusio) – “Somera promenado” (verkita en Esperanto).
- Ksenia Kormysh (Rusio) – “Trovi la vojon” (verkita en la rusa).
- Evgenij Zibert (Rusio) – “Floroj por paĉjo” (verkita en la rusa).
- Pascal Vilain (Francio) – “Nepre nun” (verkita en la Esperanto).
La gajnintoj de la sperta kategorio estas:
- Jorge Rafael Nogueras (Portoriko) – “La babaŝa preĝkolĉeno” (verkita en Esperanto).
- Natalia Dolak (Ukrainio) – “La unua vojaĝo estas la lasta” (verkita en la ukraina).
- Aleksandr Dimidov (Usono) – “Noktemuloj” (verkita en la rusa).
- Luigi Guicciardi (Italio) – “Vojaĝo ĉe la noktofino” (verkita en la itala).
Elkorajn gratulojn al ĉiuj gajnintoj kaj ni jam kuraĝigas vin ekverki por la tria eldono!
Abonu nian novaĵleteron por ricevi la plej unuan novelaron de Bobelarto senpage!
Virtualaj verk- kaj legsesioj! PDF-oj de Esperanto-literaturo! Komunumo, amikeco, babilado!
Ĉiumonate unu foje sabate kun homoj de ĉirkaŭ la mondo vi havas la ŝancon verki kaj legi kune. Ĉiu sesio estas unika, la taskoj estas variaj kaj la etoso neripetebla! Ĉu ni revidos vin ankaŭ? Ni sendos rememorigilon al vi por scii kie kaj kiam partopreni!
Klaku sur la librojn por mendi la novelarojn de la Interkultura Novelo-Konkurso!
Aŭskultu la podkaston de Bobelarto en la reto! Freŝaj noveloj atendas vin!
Mi verkas regule 🖊️
Ni renkontiĝas ĉiun trian sabaton de la monato je 16:00 UTC (nova tempo!) en Zoom.
Ĝi taŭgas por vi, se vi jam verkas: ekzemple vi jam sendis novelon al konkurso, aŭ jam aperis artikolo, verko via en Esperantaj ĵurnaloj.
La celo estas krei seriozan verkkomunumon, kie ni helpas kaj kuraĝigas unu la alian partopreni diversajn literaturajn konkursojn, atenteme aŭskultas, subteneme kritikas la verkojn kaj pretas fari ekzercojn antaŭ la sesio.
Ĝi daŭras unu horon kaj duonon kaj ni renkontiĝos en la Zoom-ĉambro de Bobelarto.
La sekva sesio okazas la 2-an de septembro.
Mi ŝatas legi en Esperanto 📚
Ni renkontiĝas ĉiun duan sabaton de la monato je 12:00 UTC aŭ 16:00 UTC (novaj tempoj!) en Zoom. Ni legas precize la samajn tekstojn en ambaŭ sesioj. La diversaj tempoj estas por doni eblecon al ĉiu ĉirkaŭ la mondo partopreni sesion.
Ĝi taŭgas por vi, se vi deziras ekkoni kaj legi verkojn en Esperanto.
Ni ĉiu legas, kaj ĉirkaŭdonas la eblecon al ĉiu laŭtlegi.
La celo de la sesioj estas ĝui literaturon kune. Fine eblas pridiskuti la legitan verkon, se homoj volas resti kaj priparoli ĝin.
Ĝi daŭras unu horon kaj ni renkontiĝos en la Zoom-ĉambro de Bobelarto.
La sekva sesio okazas la 16-an de septembro.
Mi volas provi verki 💡
Ni renkontiĝas ĉiun unuan sabaton de la monato je 16:00 UTC (nova tempo!) en Zoom.
Ĝi taŭgas por vi, se vi volas provi verki, kaj volonte faras 2-3 ekzercojn kun aliaj novuloj.
La celo estas ekverki. Ni scias, ke komenci estas plej malfacile. Vi havas ideojn, volus eble provi, sed fine ne faras. Por tiuj homoj estas perfekta tiu ĉi ateliero!
Ĝi daŭras 45 minutojn kaj ni renkontiĝos en la Zoom-ĉambro de Bobelarto.
La sekva sesio okazas la 9-an de septembro.
Ĉu vi havas demandojn pri la defio?
Skribu al ni ĉe info@bobelarto.ink
Bonvenon al la Monda Verk-Monato!
La sekva MoVeMo okazos en novembro de 2023.
Dum 30 tagoj ni verkos, tradukos aŭ legos por plifortigi nian kutimon okupiĝi pri Esperanto-literaturo!
Vi povas partopreni ekzemple per:
- ĉiutaga verkado de 100-500-1000 vortoj, tri minutoj, unu alineo, unu rakonto, poemo, novelo aŭ kantoteksto aŭ
- ĉiutaga tradukado de ajna teksto al Esperanto: unu paĝo, unu poemo, unu novelo, unu proverbo aŭ
- ĉiutaga legado en Esperanto: unu rakonto, tri minutoj, unu poemo, aŭ parto de ajna teksto laŭ via plaĉo.
Pri Bobelarto
Bobelarto estas komunumo de literaturamantoj. Ni verkas kaj legas kune.
Kontaktu nin!
Skribu al ni pri io ajn kio rilatas al literaturo. Ĉu vi verkas? Ĉu vi volas oferti vian novelon por komuna laŭtlegado?
Ĉu vi volas organizi verksesiojn en via loka klubo? Ĉio interesas nin!
Skribu al:
Niaj sesioj okazas en la Zoom-ĉambro de Bobelarto
La unuan sabaton de la monato: verksesio por komencantoj.
La duan sabaton de la monato: komuna laŭtlegado.
La trian sabaton de la monato: verksesio por progresantoj.