Interkultura Novelo-Konkurso, 7-a eldono
La temo: “Inter du epokoj”
La Interkultura Novelo-Konkurso estas jam en sia sepa eldono kaj invitas vin verki novelojn kun la temo “Inter du epokoj”.
La protagonisto de via novelo troviĝas inter du epokoj. Kio okazis? Ĉu temis pri fakta tempovojaĝo, aŭ estis trovita io apartenanta al alia epoko? Verŝajne la heroo iras al la pasinteco, aŭ venas de tie kaj vizitas la estontecon. Ĉu aperos homoj, kiuj vivas kvazaŭ en alia tempo? Ĉu du generacioj konfliktos pro malsimilaj valoroj? Kiom malgranda ŝanĝo en la historio, povas influi la nuntempon? Kio okazas, se io ne estus kiel ĝi estas? Kiuj vivoj estos ŝanĝitaj? Vi havas la ŝancon imagi, ludi kun la temo, esplori la konfliktojn, kaj doni disvolviĝon al la sorto de via protagonisto, transirante inter du epokoj.
La detaloj de la konkurso
La konkurso atendas vian novelon kun la temo “Inter du epokoj” kaj invitas vin sendi ĝin per la reta formularo ĝis la 30-a de junio 2027. La noveloj povas havi maksimume 2000 vortojn. Ne estas minimuma longo de la verko, do mikrorakontoj bonvenas! Tekstoj devas esti neniam antaŭe publikigitaj.
La ĵurio kaj legokomitato konsistas el reprezentantoj de diversaj kulturoj. Ili taksos la novelojn kaj anoncos la gajnintojn dum la 113-a Universala Kongreso (UK) de Universala Esperanto-Asocio (UEA) en Kaŭno, Litovio, en aŭgusto 2028.
En la konkurso estas tri kategorioj: spertaj verkistoj, komencantaj verkistoj kaj junaj verkistoj. Kiel vi scias kiun kategorion elekti? Se via aĝo estas sub 18 jaroj, vi estas en la kategorio de junaj verkistoj. Se via aĝo estas 18 jaroj aŭ pli, konsideru ke vi estas en la komencanta kategorio, krom se vi volas ke via novelo estu taksata kun la verkoj de la plej profesiaj kaj spertaj verkistoj. En dubaj kazoj, decidos la organizantoj de la konkurso.
- En la sperta kategorio, la aŭtoroj de la kvin gajnintaj noveloj ricevos premion de 2000, 1600, 1200, 800 kaj 400 eŭroj, respektive.
- En la komencanta kategorio, la aŭtoroj de la kvin gajnintaj noveloj ricevos premion de 1000, 800, 600, 400 kaj 200 eŭroj, respektive.
- En la juna kategorio, la aŭtoroj de la tri gajnintaj noveloj ricevos premion de 250, 200 kaj 150 eŭroj, respektive.
- Ĉiu alia aŭtoro de finalista novelo ricevos premion de 100 eŭroj. La finalistaj noveloj estos publikigitaj en novelaro, kiu aperos papere kaj bite.
INK iĝis tre populara temnovelkonkurso, kun pli ol 2000 konkursantaj noveloj lastjare. Por la organiza teamo, tio signifas pli kaj pli da bezonata laborforto kaj elspezoj por administri la konkurson. Tial ekde ĉi tiu sepa eldono ni enkondukas administrajn kostojn al partoprenantoj. Ĉiuj kontribuoj helpos al la daŭra organizado de la konkurso kaj pli grandaj premioj!
Speciala novaĵo por Esperantistoj:
Se via novelo estis originale verkita en Esperanto, tiam la administraj kostoj estas opciaj! Ni invitas vin pagi ilin se vi povas kaj volas subteni la konkurson. Ajnokaze, la plej bela donaco kiun vi povas fari al ni estas la fakto, ke vi estas aktiva membro de nia komunumo! Dankon ke vi estas ĉi tie!
Ĉu vi havas demandojn pri la konkurso? Kontaktu nin!
Por kontakti la organizantojn: ink.konkurso@gmail.com
Gratulon al Esperantistoj kiuj iĝis finalistoj kaj gajnis premiojn en antaŭaj eldonoj de INK!
Premiitaj Esperantistoj en INK-5
Jam familiano
Finalistaj Esperantistoj en INK-5
Premiitaj Esperantistoj en INK-4
La ĉioscieco de OV-GPT
Olda Fan kaj la roboto-edzino
Nenio pli gravas
Finalistaj Esperantistoj en INK-4
Premiitaj Esperantistoj en INK-3
… kaj la fenestroj, okulojn
Finalistaj Esperantistoj en INK-3
Etfingropromeso
Sekretaj manuskriptoj
Profetaĵo
La malbenita domo
Mia najbaro Olda Zhang
Premiitaj Esperantistoj en INK-2
La babaŝa preĝkolĉeno
Somera promenado
Nepre nun
Finalistaj Esperantistoj en INK-2
Kosmonaŭtoj
Ratih, karega mia
Ne vekiĝu
Liaj sorĉistinoj
El la nigro
Malnova amikino
La milito komenciĝos morgaŭ
Krepuska ĉielo
Perseo
Antaŭakuŝa nokto
Premiitaj Esperantistoj en INK-1
Amo en la tempoj de kovimo
La sekreta recepto
Ĉu ne pli bone hejme?
La brakumklubo
La tricenttrideksepa tago
Finalistaj Esperantistoj en INK-1
Printempo 2020
Enuigaj tagoj
Domkato
La fenestro
Beno aŭ malbeno
Antaŭ la truo de kuniklo
Tra la fenestro
La longa amrendevuo
Amo kaj EKMO
Elbo
La ŝiro
Ne estas maskoj por hundoj
Eksterordinaraj tempoj, aŭ Tri promenoj de filino kaj patrino
Mi ne havas horloĝon
La hundeto
El pandemia taglibro
Trudizoliĝo
Kadre de sia sesa eldono, la Interkultura Novelo-Konkurso ricevis 2030 konkursantajn novelojn de 1858 aŭtoroj el 69 landoj. Tiuj noveloj pri la temo “Proksime al la celo” estis originale verkitaj en Esperanto, en la angla, ĉeĥa, franca, hispana, itala, japana, kataluna, korea, nederlanda, persa, portugala, rusa, kaj ukraina. La gajnintoj estos anoncitaj dum la Universala Kongreso de Universala Esperanto-Asocio okazonta en Melburno, Aŭstralio (julie 2027) kaj en ĉi tiu paĝo.
Kadre de sia kvina eldono, la Interkultura Novelo-Konkurso ricevis 2247 konkursantajn novelojn de 1708 aŭtoroj el 77 landoj. Tiuj noveloj pri la temo “La detalo kiu ŝanĝas ĉion” estis originale verkitaj en Esperanto, en la angla, ĉeĥa, franca, germana, hispana, hungara, itala, kataluna, latina, makedona, persa, portugala, rusa, serba, turka kaj ukraina. La gajnintoj estis anoncitaj la 2-an de aŭgusto 2026 dum la Universala Kongreso de Universala Esperanto-Asocio en Graco, Aŭstrio kaj en ĉi tiu paĝo.
La kvara eldono de la Interkultura Novelo-Konkurso, kies gajnintoj estis anoncitaj en ĉi tiu paĝo, rezultis en la publikigo de la novelaro: Kie vojoj renkontiĝas, obtenebla ĉe Bobelarto aŭ ĉe la libroservo de UEA.
La tria eldono de la Interkultura Novelo-Konkurso, kies gajnintoj estis anoncitaj en ĉi tiu paĝo, rezultis en la publikigo de la novelaro: La sekreta vivo de miaj najbaroj, obtenebla ĉe Bobelarto aŭ ĉe la libroservo de UEA.
La dua eldono de la Interkultura Novelo-Konkurso, kies gajnintoj estis anoncitaj en ĉi tiu paĝo, rezultis en la publikigo de la novelaro: La lasta vojaĝo de Cezaro kaj aliaj noktaj aventuroj, obtenebla ĉe Bobelarto aŭ ĉe la libroservo de UEA.
La novelaroj de INK estas frukto de granda teamlaboro: ni zorge redaktas ilin por ke la rezultoj estu bonkvalitaj. Sed tiu laboro ne finiĝas post la publikigo, ĉar ni daŭre celas plibonigi la estontajn versiojn de la novelaroj. Tial, se legante ilin, vi trovis eraron, mistajpon, mistradukon, aŭ alian korektindaĵon, ni tre aprezus ke vi sciigu nin per ĉi tiu ligilo. Dankon pro via subteno.
Interkultura Novelo-Konkurso estas literatura konkurso organizata de Akademio Literatura de Esperanto, kunlabore kun Bobelarto kaj aŭspiciata de Universala Esperanto-Asocio, celanta instigi novel-kreadon de aŭtoroj el diversaj kulturoj. Sama temo, diversaj vidpunktoj, diversaj historioj…
