Priskribo
La sekreta vivo de miaj najbaroj
La tria eldono de la konkurso, per sia temo “la sekreta vivo de miaj najbaroj”, inspiris ambaŭ komencantajn kaj spertajn verkistojn elpensi la plej diversajn rakontojn. Ajna najbaro havas siajn sekretojn… la amorema luantino supre, la malĝoja advokato, la najbara knabeto, katoj, rozoj, eĉ pentraĵo sur la muro! Kiu estas demono aŭ magiisto? Kiu estas anĝelo aŭ murdisto? Malkovru la 35 sekretojn de la finalistaj noveloj de la tria Interkultura Novelo-Konkurso.
La novelaro prezentas la rezulton de la konkurso: 35 finalistajn novelojn elektitajn inter 1330 konkursaĵoj. Ĉiuj rakontoj estas prezentataj en Esperanto, kaj ankaŭ en la originala lingvo kiam ili estis verkitaj per alia lingvo (itala, kataluna, persa, portugala, rusa kaj ukraina).
