Dankon pro via partopreno en la Literatura Duonmaratono!
La ĉi-jara Literatura Duonmaratono jam finiĝis, kaj ni jam pripensas la sekvan! Tiun ĉi 12 horan eksperimenton fine pli ol 100 homoj partoprenis el 40 landoj, kaj inter 40 kaj 50 ĉeestis samtempe dum la programeroj en nia Zoom-ĉambro. Rakontu al ni pri via sperto! Sube vi trovos elŝuteblajn dosierojn kaj videojn de la renkontiĝo.
Elŝuteblaj dosieroj
Klaku sur la librojn [📕] por elŝuti la dokumentojn.
📕 🖼️ Luiza Carol: legu la rakonton de Sorina el nuboj – laŭtlegita dum la maratono! Se vi deziras aĉeti la libron kiu enhavas la fabelon Tikiriki Tok el strobilo kontaktu la eldoniston Josip Pleadin aŭ ĉe la libroservo de UEA.
📕 📕 Prezentoj de la Bjalistoka Esperanto-Societo: Maria Niemjyska pri la Esperanto Libraro kaj Pŝemek Wierzbowski pri la plej novaj eldonoj de BES.
📕 Brandon Sowers prelegis pri kiel krei bitbibliotekon de Esperanto-libroj.
📕 Rafa Nogueras pri la diversaj literaturaj konkursoj de Esperantujo kun elstaraj konsiloj kiel gajni ilin.
📕 Martin Rue: AI kontraŭ verkistoj – se vi ankoraŭ ne aŭdis, ke Artefarita Intelekto povas verki rakontojn anstataŭ vi, kaj kiel ĝi faras tion, tiu ĉi prelego estas por vi.
📕 Tomio Frejarö montris la defiojn pri verkado en ajna lingvo per desegnita prelego.
Gajnintoj de la lotumado
• Ĵenja Amis
• Ilya Haykinson
Videoj
Priskribo de la unua Duonmaratono.
Eble la vorto literatura ne bezonas multe da klarigo, sed maratono? Eĉ se nur duona, kio ĝi estas? Tiu ĉi maratono signifis 2-foje 6 horojn da literaturumado kaj ĝi enhavis: legosalonojn, verksesiojn, aŭtorajn duonhorojn, informojn pri literaturaj konkursoj, kunan verkadon, ludojn, prezenton de eldonejoj kaj liberan babiladon. Ni kreos la eblon renkontiĝi kun aliuloj, kiuj pasias pri uzado de Esperanto en arta formo.
La renkontiĝo okazis en la Zoom-ĉambro de Bobelarto. Do por partopreni vi bezonis nur unusolan ligilon por la tuta renkontiĝo! Ni ĝuis bonetosan literaturumadon dum la dua sabato de marto!
Per via aliĝo vi aŭtomate partoprenis lotumadon! Du partoprenantoj gajnis libro(j)n je valoro de 30 eŭroj. Vian premion vi povas elspezi en ajna eldonejo prezentita dum la maratono. La lotumado okazis dum la oficiala fermo de la renkontiĝo.
La partopreno en la Duonmaratono estas senpaga.
Programo de la unua Duonmaratono.
Kontrolu kioma horo estas UTC ĉe vi: https://time.is/eo/UTC
La unuan sekcion gvidas Stela Besenyei-Merger.
09:30 UTC Malfermo de la Zoom-ĉambro, venu pli frue babiladi kun la aliaj partoprenantoj!
09:50 UTC Antaŭkomenca varmigo de la literaturaj muskoloj.
La maratono oficiale komenciĝas!
10:00 UTC Carlo Minnaja rakontas pri la plej alta honoro kiun verkisto povas ricevi en Esperantujo: Laŭro de Esperanto.
10:15 UTC Freŝe premiita verkisto, la lasta ricevinto de la Laŭro de Esperanto en 2022: duonhoro kun Sten Johansson.
10:45 UTC 8 minutoj kun Anna Löwenstein: tempo por lerni kiel ekverki per tiu simpla kaj efika metodo!
11:30 UTC Verkisto de infanrakontoj (sed ne nur!): duonhoro kun Luiza Carol. Kaj legosalono kun ŝia rakonto Sorina el Nuboj.
12:15 UTC Eldonejo de la plej belaj libroj de Esperantujo, inter alie plurfoja gajninto de Infanlibro de la Jaro: Esperanto-Asocio de Britio! Prezentas: Tim Owen. Legosalono kun la plej freŝa eldonaĵo.
13:00 UTC Esperantisto de la Jaro en 2022: la persono malantaŭ la elstaraj tradukoj de La Krubalo kaj La domo ĉe Pu-Angulo, redaktoro de Unu animo homa kaj multe pli: duonhoro kun Edmundo Grimley Evans.
13:30 UTC Eldonejo de la novelaro de la Interkultura Novelo-Konkurso: KAVA-PECH! Prezentas: Petro Chrdle. Ni legos verkon pri Eli Urbanová. Kundiskutas: François Bolduc kaj Manuela Ronco.
14:15 UTC Petro Chrdle prezentos siajn verkojn kun la atentigo al tiuj de la lasta tempo: Sen laco por paco, Ĉinio, Koreio, Japanio, Honore al Eli Urbanová kaj la finpreparata Mia vivo kun Esperanto.
14:45 UTC Kial dum unu jaro mi legis verkojn nur de virinoj, kaj kial mi ĉesis tion fari – diskutrondo kun Manuela Ronco.
15:30 UTC Esperanto ligas homojn – novelo-konkurso de la Bjalistoka Esperanto-Societo. Esperanta Libraro kun Maria Niemyjska. Noveldonitaj libroj kun Przemek Wierzbowski.
Ripozpaŭzo kun libera babilado kaj ludoj inter: 16:00 UTC kaj 17:00 UTC.
La duan sekcion gvidas Jaes Estrada.
17:00 UTC Paulo Sergio Viana post prezenti la legoklubon de la Esperanto Asocio de San-Paŭlo ofertos al ni provokon por priverki.
17:45 UTC La monato kiu ŝanĝos vian vivon: la kvara Monda Verk-Monato okazos en aprilo! Prezento de la plej mojosa defio de Esperantujo.
18:15 UTC Eldonejo Impeto sinprezentas – pli ol tridek jaroj da libroeldonado! Kun Anna Striganova kaj Dima Ŝevĉenko.
18:45 UTC Bitlibroj en Esperanto: Kie akiri ilin, kiel legi ilin kun Brandono Sowers.
19:00 UTC Ĉu Artefarita Intelekto kapablas verki pli bonan novelon ol vi? – prezento kaj poste diskuto kun Martin Rue.
19:45 UTC Kie literaturo renkontas podkaston: duonhoro kun la triopo de Usone Persone: Brandono Sowers, Jorge Rafael Nogueras kaj Hanso Becklin.
20:15 UTC Kiel verki Esperante, gajni premiojn kaj iĝi riĉulo! – Jorge Rafael Nogueras, gajninto de pluraj Esperanto-konkursoj malkovras siajn sekretojn al ni!
21:00 UTC Kion faras viaj najbaroj? – jen la tempo uzi kion vi lernis de Rafa en lia prelego! Ekverku novelon por gajni la trian Interkulturan Novelo-Konkurson!
21:30 UTC Verki kantotekstojn esperante kaj nacilingve – ĉu malsamas? – unu el la plej ŝatataj muzikistoj de Esperantujo Tomio Frejarö el La Perdita Generacio dividas siajn spertojn kun ni kaj gvidas diskutrondon.
22:30 UTC Lotumado de la premioj inter la aliĝintoj de la maratono! Eventuale komuna plorado pro la fino de la maratono.
Elŝutu la printeblan PDF-version de la programo aŭ la mojosan bluan bildo-version.